Lantegi honek elkarlanerako egoera sortzaile eta irekia proposatu nahi du, ezintasunak dituzten
pertsonentzako sorkuntza espazio bat sortzeko helburuarekin. Parte hartzaileek, kolaboratzaile modura,
izaera ludiko eta didaktikoa duten hainbat tramankulu (instalazio, margo, eskultura, soinu edo argi)
elkarreragile asmatu eta jorratuko dituzte, ondotik inguruko zentru okupazionaletako gonbidatuentzako jolas
eta aktibitate modura erabili ahal izango direnak.
Azken finean, zentzumenei zuzendutako egoerak asmatzeko sorkuntza lantegia sortu nahi dugu, beraien
baldintzak eta abildadeak nolanahikoak izanik ere, parte hartuko duten pertsona guztientzat erabilgarriak
izango direnak.
Alex Mendizabal soinu artista arduratuko da lantegi honek irauten duen egunetan gidari lanak betetzeaz.
Azken hamarkadaotan Mendizabalek entzule, egoera eta espazio ezberdinentzako soinu esperientziak
proposatu ditu, tartean urazpiko kontzertuak, haurrentzako edo Alzheimerra duten pertsonentzako sorkuntza
lantegiak edo ezinduentzako hainbat ekitaldi sortuz.
Kalitate baxuko irudi aukeraketa bat erakutsi dizugu. Kalitate hobean edo bilduma osoa nahi izanez gero, jarri gurekin harremanetan. ///
Erakutsitako bideoa(k) kalitate baxuan dago (daude), hobean nahi izanez gero, gurekin harremanetan jarri.
Copyright © Arteleku
